ലോക മലയാളി സമ്മേളനം ജൂലായ് 28 മുതല്‍
ലോക മലയാളി സമ്മേളനം ജൂലായ് 28, 29, 30 തീയതികളില്‍ ദോഹയില്‍ നടക്കുമെന്ന് ഭാരവാഹികള്‍ പത്രസമ്മേളനത്തില്‍ അറിയിച്ചു. സമ്മേളനത്തില്‍ കേരളത്തില്‍ നിന്നുള്ള മന്ത്രിമാരും ചലച്ചിത്രതാരങ്ങളും പങ്കെടുക്കുമെന്ന് സംഘാടക സമിതി ചെയര്‍മാന്‍ അഡ്വ.സി.കെ. മേനോന്‍, വേള്‍ഡ് മലയാളി കൗണ്‍സില്‍ ഗേഌബല്‍ ചെയര്‍മാന്‍ സോമന്‍ ബേബി എന്നിവര്‍ പത്രസമ്മേളനത്തില്‍ അറിയിച്ചു. ഇന്ത്യന്‍ അംബാസിഡര്‍ ദീപാ ഗോപാലന്‍ വദ്വയാണ് സമ്മേളനത്തിന്റെ മുഖ്യ രക്ഷാധികാരി. വര്‍ഗീസ് ചാക്കോയാണ് ജനറല്‍ കണ്‍വീനര്‍. വക്ര സ്‌കൂളിലാണ്

ദോഹ ബാങ്ക്, ഭവന്‍സ് പബഌക് സ്‌കൂള്‍ എന്നിവരാണ് സ്‌പോണ്‍സര്‍മാര്‍. സമ്മേളനത്തില്‍ വിവിധ സെഷനുകളിലായി ചര്‍ച്ചകള്‍ നടക്കും.

പത്രസമ്മേളനത്തില്‍ അംബാസിഡര്‍ ദീപാ ഗോപാലന്‍ വദ്വ, ഡോ.കെ.സി. ചാക്കോ, കെ.കെ. ഉസ്മാന്‍ എന്നിവര്‍ സംബന്ധിച്ചു.

സംഘാടകസമിതി രൂപവത്കരണ യോഗത്തില്‍ സി.കെ.മേനോന്‍, ദീപാ ഗോപാലന്‍ വദ്വ, സീതാരാമന്‍, ഡോ.കെ.സി.ചാക്കോ, സോമന്‍ ബേബി, ജോര്‍ജ് കാക്കനാട് എന്നിവര്‍ സംസാരിച്ചു.

കുവൈത്തില്‍ വിദേശ കുട്ടികള്‍ക്ക് സൗജന്യചികിത്സ

വിദേശികളുടെ കുട്ടികള്‍ക്ക് സൗജന്യ ചികിത്സ നല്‍കുന്നതിന് കുവൈത്ത് ആരോഗ്യമന്ത്രാലയം തീരുമാനിച്ചു. അര്‍ബുദമടക്കമുള്ള മാരകരോഗങ്ങള്‍ക്കുള്ള ചികിത്സ വിദേശികളുടെ കുട്ടികള്‍ക്ക് സൗജന്യമാക്കിക്കൊണ്ട് സര്‍ക്കാര്‍ വിജ്ഞാപനം പുറപ്പെടുവിച്ചു.

രോഗികളായ കുട്ടികളുടെ മാതാപിതാക്കള്‍ അനുഭവിച്ച ബുദ്ധിമുട്ടുകള്‍ക്കും മാനസിക സംഘര്‍ഷത്തിനും ആശ്വാസമേകുന്നതാണ് സര്‍ക്കാറിന്റെ വിജ്ഞാപനം. രോഗം ബാധിച്ച കുട്ടികളെ മാതാപിതാക്കള്‍ക്കൊപ്പം കുവൈത്തില്‍ താമസിക്കുന്നതിനും അവസരമൊരുക്കുകയാണ് കുവൈത്ത് സര്‍ക്കാറിന്റെ ഈ തീരുമാനം. കാന്‍സര്‍ തുടങ്ങിയ മാരകരോഗങ്ങള്‍ പിടിപെട്ട കുട്ടികളുടെ ചികിത്സയ്ക്കായി ചെലവാക്കേണ്ടിവരുന്ന സാമ്പത്തിക ഭാരത്തില്‍ നിന്നും ഇതോടെ മോചിതരാവാന്‍ അവര്‍ക്ക് കഴിയും. കുടുംബങ്ങളായി കഴിയുന്ന വിദേശികളുടെ വരുമാനത്തിന്റെ ഭീമമായ ഭാഗം ഇത്തരം ചികിത്സയ്ക്കായി മാറ്റിവെക്കേണ്ടിവരാറാണ് പതിവ്. അറബ് വംശജരും ഇന്ത്യക്കാരുമടങ്ങുന്ന വിദേശികള്‍ സര്‍ക്കാര്‍ തീരുമാനത്തെ സ്വാഗതം ചെയ്തു.

കുവൈത്ത് ജനസംഖ്യയുടെ മൂന്നില്‍ രണ്ടുഭാഗം വരുന്ന വിദേശികള്‍ക്ക് സര്‍ക്കാറിന്റെ ഭാഗത്തുനിന്നും ലഭിച്ച വലിയ പരിഗണനയായി ഈ തീരുമാനം വിലയിരുത്തപ്പെടുന്നു. വര്‍ഷം തോറും താമസരേഖ പുതുക്കുന്നതിനോടൊപ്പം ആരോഗ്യ ഇന്‍ഷുറന്‍സ് ഫീസ് 50 ദിനാര്‍ വീതം വര്‍ഷംതോറും വിദേശികള്‍ നല്‍കാറുണ്ട്. എന്നാല്‍ സര്‍ക്കാര്‍ ആസ്​പത്രികളിലും സ്വകാര്യ ആസ്​പത്രികളിലുമെന്നപോലെ ചെലവേറിയ ചികിത്സയ്ക്ക് വലിയ തുക അടയ്‌ക്കേണ്ടതുണ്ട്. എന്നാല്‍ കുട്ടികളെ ചെലവേറിയ ചികിത്സാഫീസില്‍ നിന്നും ഒഴിവാക്കിയത് ഒരു പക്ഷേ അത്യപൂര്‍വമായ നടപടിയായാണ് കുവൈത്ത് സ്വദേശികളും അഭിപ്രായപ്പെട്ടത്.

കുവൈത്തില്‍ വേനല്‍ച്ചൂട് രൂക്ഷമാകും, പൊടിക്കാറ്റ് തുടരുന്നു

കുവൈത്ത്: വേനല്‍ച്ചൂട് വരും ദിവസങ്ങളില്‍ രൂക്ഷമാകുമെന്ന് കാലാവസ്ഥാ നിരീക്ഷണകേന്ദ്രം. 40 ദിവസം നീണ്ടുനില്‍ക്കുന്ന - മുര്‍ബാ അനീയ - കാലം കുവൈത്തില്‍ ആരംഭിച്ചതായും ഈ ദിവസങ്ങളില്‍ താപനില 50 ഡിഗ്രി സെല്‍ഷ്യസ് കവിയുമെന്നും തിങ്കളാഴ്ച മുതല്‍ വരണ്ട കാലാവസ്ഥയുടെ ആരംഭമാണെന്നും കാലാവസ്ഥാനിരീക്ഷകന്‍ ആദില്‍ സാദുണ്‍ മുന്നറിയിപ്പ് നല്‍കി.

ജൂലായ് മാസം താപനില 50 സെല്‍ഷ്യസ് കവിഞ്ഞ് അതിരൂക്ഷമാകാനിടയുണ്ടെന്നും പൊതുജനങ്ങള്‍ നേരിട്ടുള്ള സൂര്യതാപമേല്‍ക്കാതിരിക്കാന്‍ വേണ്ട മുന്‍കരുതലുകള്‍ കൈക്കൊള്ളണമെന്നും അദ്ദേഹം പറഞ്ഞു. ഉച്ചയ്ക്ക് പതിനൊന്നു മണിക്കും നാലു മണിക്കും ഇടയ്ക്കുള്ള സമയത്ത് നേരിട്ട് സൂര്യപ്രകാശം ശരീരത്ത് ഏല്‍ക്കുന്നത് ഒഴിവാക്കണം. ഇതു തീവ്രമായ ആരോഗ്യപ്രശ്‌നങ്ങള്‍ക്കിടയാക്കുമെന്നും മര്‍സാന്‍ കാലാവസ്ഥാനിരീക്ഷണകേന്ദ്രം മേധാവി ഖാലിദ് അബ്ദുള്ള അല്‍-ജം ആന്‍ അറിയിച്ചു. കുവൈത്തില്‍ ആഗസ്ത് അവസാനംവരെയും ഇത്തവണ കടുത്ത വേനലിന് സാധ്യതയുണ്ട്. മുന്‍ വര്‍ഷങ്ങളെ അപേക്ഷിച്ച് ഇത്തവണ വേനല്‍ച്ചൂട് ഗണ്യമായി കൂടാനിടയുണ്ട്. താപനില ഗണ്യമായി ഉയരുന്നതോടെ പൊടിക്കാറ്റ് ശക്തമാകും. കഴിഞ്ഞ ദിവസം കുവൈത്തില്‍ അനുഭവപ്പെട്ട ശക്തമായ പൊടിക്കാറ്റ് സാധാരണ ജീവിതത്തെ സാരമായി ബാധിച്ചു. വാഹന ഗതാഗതം തടസ്സപ്പെട്ടു. നിരവധി വാഹനാപകടങ്ങളും റിപ്പോര്‍ട്ട് ചെയ്തിട്ടുണ്ട്.

പൊടിക്കറ്റ് ഏതാനും ദിവസങ്ങള്‍ തുടരുന്നതാണെന്നും വരണ്ട കാലാവസ്ഥ ഈ വര്‍ഷം സപ്തംബര്‍വരെ തുടരുന്നതാണെന്നും അബ്ദുള്ള അല്‍-ജം ആന്‍ മുന്നറിയിപ്പ് നല്‍കി.

ഷാര്‍ജയില്‍ വന്‍ അഗ്നിബാധ..
ഷാര്‍ജയിലെ നാഷനല്‍ പെയിന്റ്സിലാണു ഇന്നു തീപിടിത്തം ഉണ്ടായതു..

സിനിമാ സമരം അവസാനിച്ചു
തിരുവനന്തപുരം: സിനിമാ പ്രതിസന്ധിയ്-ക്ക് താല്‍ക്കാലിക പരിഹാരം. നാളെ മുതല്‍ പുതിയ മലയാള ചലച്ചിത്രങ്ങള്‍ റിലീസ് ചെയ്യുമെന്ന് ഫിലിം എക്സിബിറ്റേഴ്സ് ഫെഡറേഷന്‍ അറിയിച്ചു.